پێشوازی گەرم لە شاندی بالای ئەنجومەنی ساندوێڵ

ڕێکخراوی ڕۆشنبیرانی کورد بە شانازییەوە پێشوازی گەرم لە شاندی بالای ئەنجومەنی ساندوێڵ کرد، و لە کۆبوونەوەیەکی بالا و پڕ واتا دا چەندین بابەتی گرنگ و پەیوەندیدار تاوتوێ کرا.

لەو دیدارەدا، جەخت لەسەر گرنگی هاوکاری نێوان ڕێکخراوە کوردییەکان و دەزگاکانی ناوچەکە کراوە، هەروەها باس لە ئەوە کرا کە بۆ یەکەمجار ڕێکخراوی کوردی بە شێوەی فەرمی وەک نوێنەری کۆمەڵگەی کورد لە ساندوێڵ ناسراوە، کە ئەمە هەنگاوێکی گرنگە بۆ بەهێزکردنی پەیوەندییەکان و زیادکردنی کاریگەری لە ئاستی ناوخۆیی.

ڕێکخراوی ڕۆشنبیرانی کورد بە شێوەیەکی فەرمی دیاری کرا وەک نوێنەری کۆمەڵگەی کورد لە ناوچەکە، هەنگاوێک کە بە تایبەتی گرنگییەکی زۆر هەیە بۆ بەهێزکردنی دەنگی کورد و فراوانکردنی بەشداری لە بڕیاردان و چالاکییە کۆمەڵایەتییەکان.

ئەم ناساندنە نیشانەی متمانە و بڕوایە بە توانای ڕێکخراوەکە لە پێشبردنی بابەتە ڕۆشنبیری، کۆمەڵایەتی و پەیوەندییەکان لەگەڵ دام و دەزگاکانی ناوچەکە. هەروەها دەرفەتێکی نوێیە بۆ ئەوەی دەنگی کۆمەڵگەی کورد بە شێوەیەکی ڕێکخراوتر و کاریگەرتر بگاتە ئاستی بەرپرسان و ئەنجومەنەکان.

ئەم پێشکەوتنە دەتوانێت ڕێگە خۆش بکات بۆ هاوکارییەکی فراوانتر، پڕۆژەی هاوبەش، و بەهێزکردنی پەیوەندیی نێوان کۆمەڵگەی کورد و دامەزراوە فەرمییەکان، کە لە کۆتاییدا خزمەت بە گەشەپێدانی کۆمەڵایەتی و یەکگرتوویی دەکات

ئەندامانی ڕێکخراوەکە دەربڕینی خۆشحاڵی و سوپاسی خۆیان کرد بۆ ئەم هەنگاوە گرنگە، و پشتگیری تەواوی خۆیان نیشان دا بۆ درێژەدان بە هاوکاری و کارکردنی هاوبەش لەگەڵ ئەنجومەنی ناوچەیی و دام و دەزگاکان.

ئەم جۆرە کۆبوونەوانە نیشانەیەکی ڕوونن لە گەشەکردنی پەیوەندی و یەکگرتوویی، کە دەتوانێت ڕۆڵێکی گرنگ ببینێت لە بەهێزکردنی کۆمەڵگە و خزمەتکردنی باشتر بە هاوڵاتیان

ڕێکخراوی ڕۆشنبیرانی کورد ئەمجومەنی بالا داوا لە هەر کوردێکی خۆبەخش دەکات کە خزمەت بکات بە کورد بە خۆبەخشی و چالاکانە هاوکاربێت . ئەمەش کاریگەری دەنێت لەسەر رەوەندی کوردی .