Rêxistina Rewşenbîrên Kurd Pêşwaziya Şandeke Civaka Kurd a Bakurê Rojava – Lîverpûlê Kir

Rêxistina Rewşenbîrên Kurd li navenda xwe ya sereke, pêşwaziya şandeke payebilind a Civaka Kurd a Bakurê Rojava – Lîverpûlê kir.

Şanda mêvan ku ji rêzdaran Heval Ozgur (Berpirsê Pêwendiyan), Heval Luqman Sêvêzer (Berpirsê Karên Hunerî), û hunermenda muzîkjen xanim Îmrak Îqbal pêk dihat, ji aliyê Serokê Rêxistina Rewşenbîrên Kurd, rêzdar Gove Ehmed û Sekreterê rêxistinê, rêzdar Aras Bilbas ve hat pêşwazîkirin.

Di hevdîtinê de, spasî ji bo serdanê û pêşkêşkirina baqê gulan wek diyarî ji bo rêxistina me hate kirin. Herwiha, pesnê beşdariya bibandor a koma muzîkê “Roja Nû” di merasîma hatina rêzdar Derek Anderson de hate dayîn, ku performansa wan bala nûnerê Qral û beşdaran kişandibû.

Paşê, gotûbêj li ser mekanîzmayên xurtkirina pêwendiyan û berfirehkirina karê hevpar ji bo xizmeta civaka Kurd hatin kirin. Rêxistina Rewşenbîrên Kurd amadebûna xwe ji bo her cure hevkariyê di paşerojê de diyar kir. Di berdêla vê de, şanda mêvan kar û çalakiyên Rêxistina Rewşenbîrên Kurd bilind nirxand.

Di dawiya hevdîtinê de, weke sembola armanc û têkoşîna hevpar, rêzdar Gove Ehmed madalyaya Alaya Kurdistanê pêşkêşî şanda mêvan kir.

Navenda Ragihandinê ya Rêxistina Rewşenbîrên Kurd