پیرۆزبایی گەرم لە گروپی فری ستایل

پیرۆزبایی گەرم
برای به‌ڕێزمان کاکە ڕێباز مەهدی،
بە شانازی و خۆشحاڵییەوە بە ناوی ڕێکخراوی ڕۆشنبیرانی کورد-بەریتانیاوە، گه‌رمترین پیرۆزبایی خۆمانتان پێشکەش دەکەین بۆ ئەو کارە نایابه‌تان كه‌ شایەنی ستایش و پێزانینه‌. یادکردنەوەی چەند ساڵەی گروپی فری ستایلیتان بە جوانترین و به‌پێزترین شێوە، دەستکەوتێکی بەرچاوە کە شایەنی پێزانین و پشتیوانی زۆرە.
ئەوەی مایەی شانازی و خۆشحاڵی تایبەتە، بەشداریی ژمارەیەکی زۆر لە خەڵکی ئینگلیز لەم یادکردنەوەیەدایە. ئەمە بە ڕوونی دەریدەخات کە هونەر و کلتوور زمانی گشتگیری هەیە کە دڵەکان دەبەستێتەوە و ته‌واوی سنوورەکان دەبڕێت. توانیوتانە پردێکی به‌هێز دامەزرێنن لە نێوان کۆمەڵگای کوردی و بەریتانیدا، هەروەها دەرگایەکی بەرفراوان بکەنەوە بۆ ناساندنی کلتوور و هونەری کوردی لە ئاستێکی به‌رز و فراوان.
ئەم کارە ڕۆڵێکی گرنگ دەبینێت لە بەهێزکردنی ناسنامەی کلتوری کوردی لە دەرەوەی وڵات و بەرزکردنەوەی ئاستی هونەر و ڕۆشنبیری لە نێو کۆمەڵگاماندا. بەردەوامبوونتان لەم ڕێگا روناکەدا هیوابەخشە و سەرچاوەی ئیلهامە بۆ نەوەی گەنج.
لە ڕێکخراوی ڕۆشنبیرانی کورد-بەریتانیاوە، هەمیشە لە پاڵتاندا دەبین و هیوای سەرکەوتنی زیاترتان بۆ دەخوازین لە هەموو کار و چالاکییەکانتاندا. با ئەم دەستکەوتانە بەردەوام بن و دەنگی هونەر و کلتووری کوردی بەرزتر بێتەوە.
سەرکەوتوو بن، بەهێز بن و بەردەوام بن.
لەگەڵ ڕێز و پێزانین
گۆڤە ئەحمەد
سەرۆکی ڕێکخراوی ڕۆشنبیرانی کورد-بەریتانیا
2-11-2025