به‌شانازییەوە بەئامادەبوونی ژمارەیەکی بەرچاوی ڕەوەندی کوردی نەورۆزمان پیرۆز کرد

بڵێسەی ئاگری نەورۆز لە دڵی شاری بێرمینگهامەوە

لە درێژەی خزمەتە کولتوورییەکانمان، «ڕێکخراوی ڕۆشنبیرانی کورد» بە هاوبەشی لەگەڵ «ماڵی کوردی»، ئاهەنگێکی گەورە و پڕشکۆی بۆ پیرۆزکردنی نەورۆز و جەژنی ڕەمەزان لە سەنتەری شاری بێرمینگهام ڕێکخست.

بە ئامادەبوونی ژمارەیەکی زۆر لە کوردانی نیشتمانپەروەری هەر چوار پارچەی کوردستان، ئاگری نەورۆزمان لە چەقی شارەکەدا هەڵکرد. تێکەڵبوونی وتار، گۆرانی و هەڵپەڕکێی کوردی، جۆش و خرۆشێکی نەتەوەیی گەورەی بەخشییە ئامادەبووان و ساتێکی پڕ لە یەکگرتووییمان پێکەوە بەسەربرد.

سوپاسێکی بێپایان بۆ هەموو ئەو ئازیزانەی بەشدارییان کرد و بوونە هۆی سەرخستنی ئەم یادە.

لەگەڵ ئەوەشدا، جێی خۆیەتی سوپاسێکی گەرم و تایبەت ئاراستەی تیمی ڕاگەیاندنی ڕێکخراوەکەمان و وێنەگرە بەڕێزەکانمان بکەین، کە جوانترین ساتەکانی ئەم ئاهەنگەیان بۆ مێژوو تۆمارکرد.